Lést í fallhlífarslysi í Tælandi

Þrítugur maður, Stefán Ei­ríks­son And­er­sen, lést í fallhlífarstökki í Tælandi á laugardaginn. Þessu er greint frá á vef Sjæl­landske Nyheder.

Mbl.is greinir fyrst frá íslenskra miðla og segir Stefán vera hálfíslenskan.

Þar segir að Stefán, hálf­ís­lensk­ur maður, hafi látist í fallhlífastökki í Si Racha-héraði í suðaust­ur­hluta Tælands.

Í frétt Sjæl­landske Nyheder segir að sjónarvottar hafi greint frá því að fallhlíf hans hafi ekki opnast til fulls. Stefán var fluttur meðvitundarlaus á Phayathai Sriracha-spítalann.

Nákvæm örsök slyssins er nú til rannsóknar en búið er að yfirheyra þá sem höfðu umsjón með fallhlífarstökkinu.