- Auglýsing -
Karlmaður var handtekinn í Grafarvogi, laust fyrir klukkan eitt í nótt, vegna líkamsárása og hótana. Var hann vistaður í fangageymslu, en meiðsli þolanda voru minniháttar.
Lögreglan var kölluð út í nótt vegna manns sem hótaði að skaða sjálfan sig. Maðurinn var í annarlegu ástandi með hníf í hendi sem hann hótaði að beita. Var maðurinn færður í fangaklefa þar til af honum rennur.
Tilkynning barst um þrjá menn í garði í Kópavogi. Húsráðandi taldi þá þjófa, en mennirnir voru farnir af vettvangi þegar lögregla kom á vettvang. Ekki liggur fyrir hvort einhverju var stolið.
Lögregla hafði afskipti af ökumönnum í gærkvöldi og í nótt, ýmist vegna gruns um akstur undir áhrifum áfengis eða réttindaleysis til aksturs.