- Auglýsing -
Eitt fornfrægasta lið Englands, Liverpool, er nú til sölu; eigendur Liverpool, Fenway Sports Group (FSG), hafa sett félagið á sölu.
Það er 433.is sem greindi frá þessum tíðindum, og vísa í David Ornstein á The Athletic, sem segir frá þessum stóru tíðindum.
Þetta er alls ekki í fyrsta sinn sem eigendur Liverpool segjast tilbúnir að selja félagið, en nú er fullyrt að FSG muni hlusta á tilboð séu þau ásættanleg að mati eigendanna.
FSG hefur átt Liverpool-liðið síðan árið 2010. Liverpool er ásamt Manchester United sigursælasta knattspyrnulið Englands; of langt mál væri að telja upp alla þá titla sem liðið hefur hampað í stórkostlegri sögu þess.