- Auglýsing -
Lögreglan á Suðurnesjum var rétt í þessu að senda frá sér tilkynningu þar sem hún var fólk við því að gossvæðið nærri Fagradalsfjalli sé hættusvæði og algjörlega lokað allri gangandi umferð. Hún biðlar til almennings að sýna tillitsemi og virðingu.
Eldgos er hafið við Fargradalsfjall. Miklar kvikuhreyfingar hafa verið á Reykjanesskaga undanfarnar vikur. Lögregla á leið frá Keflavík til að meta stöðuna. Þyrla Landhelgisgæslunnar flaug yfir svæðið. Búið er að loka fyrir umferð á Suðurstrandavegi en vegurinn til Grindavíkur er opinn.
Gosið kom upp í Geldingardölum sem staðsett er milli Fagradalsfjalls, Litla hrúts og Keilis en dalurinn myndar lítinn þrýhyrning þar á milli. Þetta er stórviðburður enda hefur ekki gosið á Reykjanesi í 780 ár.
Lögreglan biður fólk um að fara varlega:
„Við viljum biðla til ökumanna sem eru á ferðinni um Reykjanesbraut og Grindavíkurveg að hlýta umferðarlögum og vera ekki að nema staðar að óþörfu. Þá hefur eitthvað borið á því að fólk sé að yfirgefa bifreiðar sínar og ganga í átt að eldsumbrotunum. Slíkt er algjörlega bannað. Svæðið er lokað og telst svæðið vera hættusvæði. Sýnum tillitsemi og virðingu.“