Lögreglukona í Bretlandi, Sam Helena, sagði upp störfum á dögunum. Hún hafði gert garðinn frægan með því að stofna OnlyFans aðgang undir nafninu „Officer Naughty.“
OnlyFans er einskonar klámsíða þar sem einstaklingar geta gefið út klámfengið efni og fengið greitt frá almenningi fyrir að sjá það. Sam Helena setti inn myndir og myndbönd þar sem hún klæddist nærfötum í bláum lit og bar lögregluskjöld.
Sam Helena á von á kæru en hún hafði fengið áminningu frá lögreglunni tveimur árum áður, þá fyrir að setja inn myndband af sér á miðilinn TikTok þar sem hún sýndi kynferðislega hegðun á meðan hún var klædd í lögreglubúning. Talið er að Sam hafi nokkrum sinnum lent í vandræðum fyrir hegðun sína utan vinnutíma en hún sagði upp störfum eftir að ákveðið var að segja henni upp og leggja fram kæru.
