Lögreglumenn á harðahlaupum á Suðurnesjum

Lögreglan á Suðurnesjum hefur verið mikið á harðahlaupum þessa vikuna. Ökumaður, grunaður um að aka undir áhrifjum fíkniefna hljóp í burtu af vettvangi og lögreglumaður á eftir. Lögreglan hafði betur og var hinn grunaði handtekinn. Frá þessu segir á vef Víkurfrétta.
Lögreglan þurfti einnig að elta annan ökumann á hlaupum. Sá var grunaður um að hafa ekið bifreið sinni ofan í skurð og var að reyna að losna úr sjálfheldunni þegar þegar hann var truflaður við þá iðju og hljóp á brott með lögguna á hælunum. Hann var handtekinn og reyndist réttindalaus og með fíkniefni á sér.
Tveir ökumenn til viðbótar komu við sögu lögreglu á Suðurnesjum. Annar sinnti ekki stöðvunarmerkjum lögreglu og ók á miklum hraða yfir hringtorg. Hann var handtekinn vegna gruns um akstur undir áhrifum áfengis. Annar ökumaður ók án ökuréttinda og er grunaður um að hafa neytt fíkniefna. Frá þessu segir á vef Víkurfrétta.