Nóttinn var nokkuð viðburðarík hjá lögreglu og gistu 11 manns í fangageymslu lögreglunnar þegar skímaði að nýjum degi. Flest brot næturinnar snúa að ökumönnum sem voru réttindalausir, lyfjaðir eða drukknir.
Bíræfinn ökumaður var stöðvaður, grunaður um akstur sviptur ökuréttindum. Hann reyndi að koma sér undan sök með því að ljúga að lögregluum nafn sitt hjá. Lögreglan sá gegnum lygalaupinn og bar á hann kennsl. Hans bíður himinhá sekt. Á svipuðum slóðum var lögregla kölluð til vegna minniháttar umferðaróhapps.
Lögreglan fékk beiðn um hjálp vegna líkamsárásar í heimahúsi. Málið er í rannsókn.
Á svæði Hafnarfjarðarlögreglunnar var einn ökumaður stöðvaður grunaður um akstur undir áhrifum áfengis. Annar var stöðvaður, grunaður um að vera réttindalaus undir stýri. Sá bætti gráu ofan á svart með því að vera einnig að tala í farsíma við akstur.
Maður var eltur uppi og handtekinn eftir að hann átti þátt í umferðaróhappi og reyndi að stinga af frá vettvangi.
Lögreglan var kölluð til vegna hópslagsmála. Upplýsingar liggja fyrir um þá sem tóku þátt í slagsmálunum og er málið í rannsókn. Búðarþjófur var staðinn að verki og lögreglan kölluð til. Á svipuðum slóðum var innbrotsþjófur við þá iðju sína að brjótast inn í bíla. Við handtöku kom í ljós að hann var með fíkniefni.