- Auglýsing -
Maðurinn sem lést af áverkum í Barðavogi á laugardag lætur eftir sig fjögur börn. Rak hann um árabil vinsælan veitingastað á hjólum. Hann hafði verið búsettur í húsinu í rúmt ár. Sá sem er grunaður um að hafa orðið manninum að bana er fæddur árið 2001.
Líkt og Mannlíf greindi frá í gær var ógnvekjandi og undarleg hegðun hins grunaða þekkt meðal nágranna. Þá er haft eftir einum fyrrum íbúa við Barðavog að hann hafi oftast farið á ferli að nóttu til. Lögregla hafði í tvígang verið kölluð út að húsinu þar sem mennirnir bjuggu, daginn sem morðið var framið. Ekki liggur fyrir hve langan tíma rannsókns málsins mun taka en mun réttarkrufning fara fram til að skera úr um dánarorsök.