- Auglýsing -
Maðurinn sem grunur leikur á að sé sá sem gekk berserksgang á Reykjanesbraut í vikunni sem leið, var um helgina úrskurðaður í gæsluvarðhald.
Samkvæmt heimildum Vísis var maðurinn úrskurðaður í síbrotagæslu til 17. febrúar. Hefur maðurinn ítreka brotið lög að undanförnu, nú síðast á Reykjanesbrautinni er hann stöðvaði bifreið og sparkaði hvað eftir annað í bílstjórarúðuna.
Myndband sem Mannlíf birti um daginn vakti mikla athygli en þar má sjá manninn skipta ítrekað um akreinar og stöðva loks umferðina, fara út úr bílnum og sparka ítrekað í rúðu bíls sem var stopp fyrir aftan hann.
Samkvæmt heimildum Vísis er maðurinn á þrítugsaldri og hefur meðal annar sætt nálgunarbanni.
Hér fyrir neðan má sjá myndbandið: