Mál Slayer gegn Secret Solstice tekið fyrir í dag

Fyrirtaka í máli hljómsveitarinnar Slayer gegn tónlistarhátíðinni Secret Solstice fer fram í Héraðsdómi Reykjavíkur í dag.

Slayer stefndi hátíðinni vegna skuldar upp á tæpar 16 milljónir króna.

Það er umboðsskrifstofan K2 Agency sem höfðaði mál, annars vegar gegn Solstice Productions sem hélt hátíðina árið 2018 þegar Slayer spilaði, og hins vegar gegn Live Events sem tók við rekstrinum. Þeim síðari var stefnt þar sem framkvæmdastjóri hátíðarinnar, Víkingur Heiðar Arnórsson, sagði að gert yrði upp við alla listamenn hátíðarinnar árið 2018.