- Auglýsing -
„Hér höfðu einhverjir komið opnað ruslagám þar sem við setjum bleyjur í. Það var búið að opna hér poka því auðvitað eru bleyjurnar í ruslapokum. Búið að opna pokana, opna bleyjurnar og klína hér saur upp um alla veggi og dreifa svo úr þessum um allan skólann.“
Þetta segir Snjólaug Brjánsdóttir, leikskólastjóri leikskólans Holtakots á Akureyri. Það var ógeðfellt um að litast við leikskólann í morgun en óprúttinn ódámur hafði makað saur og þvagi á rúður og veggi. Snjólaug kveðst í samtali við RÚV vera sorgmædd en hún lítur málið alvarlegum augum.
Aðspurð hvort hún viti hver hafi verið þarna að verki segir hún að verið sé að kanna það. Ef að börn séu sökudólgarnir, þá hafi þau of lítið að gera, segir Snjólaug og bætir við:
„Maður er bara svo sorgmæddur að sjá þetta. Hvert erum við komin þegar maður getur átt von á svona aðkomu […] mér finnst þetta bara graf alvarlegt mál.“
