Nóttin hjá lögreglu var róleg og óeirðaseggir héldu sig flestir heima eða voru með rólegra móti. Þó var einn slíkur með uppsteyt og hótanir í miðborg Reykjavíkur. Hann reyndist vera drukkinn og var læstur inni til öryggis þar til af honum rennur. Í austurborginni var svo annar uppvís að líkamsárás. Hann var handtekinn og lokaður inni í fangageymslu. Meiðsli fórnarlambs reyndust vera minniháttar.
Í gærkvöld var lögregla kölluð út vegna manns sem var í sjálfsvígshættu. Lögreglumenn fundu manninn heilan á húfi og komu honum undir læknishendur.
Lögreglan kom leigubifreiðastjóra til aðstoðar þegar farþegi sveik af honum fé.
Nokkrir ökumenn voru staðnir að verki við að aka drukknir eða dópaðir. Þeim var sleppt eftir blóðsýnatöku en verður refsað ef sök sannast.