Danmörk og Noregur mættust í hreinum úrslitaleik EM kvenna í handbolta í Austurríki (Vínarborg) í kvöld.
Var þetta lokaleikur Þóris Hergeirssonar sem þjálfara norska liðsins er hann hefur þjálfað síðan árið 2001; fyrst aðstoðarþjálfari og síðan aðalþjálfari frá árinu 2009.
Þær norsku áttu vægast sagt erfiða byrjun á úrslitaleiknum í dag og Danir höfðu frumkvæðið framan af; leiddu leikinn með einu til tveimur mörkum allt þangað þangað til Norðmenn jöfnuðu í 5-5.
Eftir þetta var allt í járnum bókstaflega – en þær norsku komust yfir í fyrsta sinn í í stöðunni 9-8 er 22 mínútur voru liðnar.
Eftir jafnan fyrri hálfleik var það Noregur er leiddi í hálfleik með einu marki, 13-12.
Síðari hálfleikur þróaðist allt öðruvísi; norska liðið byrjaði með miklum látum; Noregur skoraði fyrstu þrjú mörkin; komst í 16-12 – áður en þær dönsku náðu að svara fyrir sig.
Noregur jók forskotið hratt og fljótlega var munurinn kominn í sjö mörk, 21-14 og norsku stúlkurnar náði mest níu marka forystu og unnu að lokum glæsilegan átta marka sigur, 31-23.
Þórir kveður því Noreg með enn einum titlinum; árangur hans er einn sá allra glæsilegasti í gjörvallri handboltasögunnu; sem aðalþjálfari varð Þórir Evrópumeistari sex sinnum, heimsmeistari þrisvar og Ólympíumeistari tvisvar.