María Birta orðin mamma: „Maðurinn minn er besti pabbinn í öllum heiminum!“

Ein allra glæsilegasta kona landsins, leik­kon­an María Birta Bjarna­dótt­ir, og maður henn­ar, Elli Eg­ils­son listamaður, eru orðin foreldrar.

María Birta birti um nýliðna helg­i mynd af sér með barna­vagn­inn.

Hún tjáði sig um litla erf­ingj­ann í viðtali við visir.is á dög­un­um; vildi þó ekki tjá sig nán­ar um barnið; sagði aðeins að Elli væri besti pabbi í heimi:

„Maðurinn minn er besti pabbinn í öllum heiminum!“

María Birta og Elli hafa verið bú­sett í Banda­ríkj­un­um undanfarin ár; bjuggu í englaborginni Los Ang­eles; en halda nú til í aðal glamúr-borg heimsins – Las Vegas.

Þau hafa verið lengi saman; allt frá árinu 2013. Héldu upp á átta ára brúðkaup­saf­mæli sitt fyrir ekki svo löngu.

María Birta er frábær leikkona sem slegið hefur í gegn í mörgum kvikmyndum; lék til dæmis í nýjustu mynd Quentin Tarantino – Once Upon a Time in Hollywood. Var frábær í kvikmyndunum Órói og Svartur á leik. Og það er án efa enn meira framundan.

Eiginmaður Maríu Birtu, Elli Egilsson, er ekki síðri en kona hans; frábær listamaður sem vakið hefur verðskuldaða athygli.

Mannlíf óskar þeim innilega til hamingju!