Ofurhjónin geðþekku, Marta María Jónasdóttir blaðamaður á Morgunblaðinu og Páll Winkel fangelsismálastjóri búa í glæsihúsi við Tjarnabrekku 6 í Garðabæ – nánar tiltekið – á Álftanesi.
Marta María Jónasdóttir og Páll Winkel fangelsmálastjóri búa vel ásamt fjölskyldu sinni. Hjónin geðþekku festu kaup á stórglæsilegri lúxuseign á Tjarnarbrekku á Álftanesi í ársbyrjun 2021; í nágrenni við Bessastaði, og útsýnið er ekkert minna en stórfenglegt.
Rétt áður höfðu þau hjón selt lúxushús sitt í Fossvogi fyrir litlar 120 milljónir króna.
Marta og Páll hafa verið saman um langa hríð; urðu par árið 2015; trúlofuðu sig tveimur árum síðar; gengu í heilagt hjónaband í ágúst árið 2021 – og fóru ekki langt; létu pússa sig saman í Bessastaðakirkju – stutt frá lúxushúsi þeirra á Álftanesi.
Marta hefur verið lengi að í fjölmiðlum; best þekkt fyrir að ritstýra Smartlandinu á mbl.is. Hún er dóttir Jónasar Garðarssonar, fyrrverandi formanns Sjómannafélags Íslands.
Páll Winkel starfaði hér áður fyrr sem lögreglumaður; var framkvæmdastjóri Landssambands lögreglumanna til ársins 2007. Þá tók hann við stöðu aðstoðarríkislögreglustjóra; síðar sama ár tók hann við stöðu fangelsismálastjóra; gegnir henni enn.
Ljóst er á myndunum, staðsetningunni og útsýninu að þessi eign er af dýrari gerðinni.
Verðið var 150 milljónir króna en ljóst er að lúxushús hjónanna hefur hækkað mikið í verði og færi í dag á 200 milljónir hið minnsta.
Glæsihýsi Mörtu og Páls er 226 fermetrar að stærð; þarf vart að taka fram að hér er um að ræða einbýli.
Var húsið byggt hið fræga ár 2007; þykir það endurspegla ágætlega þann tíma í Íslandssögunni.
Það er því augljóst að elítan býr ekki bara í 105 Reykjavík og á Seltjarnarnesi. Hún býr líka í 225 Garðabæ; nánar tiltekið á Álftanesi.