Lögregla brást við vegna mikilis hávaða frá íbúð í Árbæjarhverfi í gær. Í ljós kom að par stóð í hörkurifrildi. Ágreiningsefnið var að matarpeningarnir fóru í dóp og jólin eru handan við hornið. Óljóst er hverjar málalyktir urðu að öðru leyti en því að lögregla skakkaði leikinn.
Lögregla hafði afskipti af nokkrum ökumönnum vegna minniháttar umferðalagabrota. Lögregla var kölluð til vegna þjófnaðar í verslun. Leyst á vettvangi með skýrslu sem tekin var af búðarþjófinum.
Ökumaður var stöðvaður í akstri grunaður um akstur undir áhrifum áfengis. Laus eftir að blóð hafði verið dregið úr honum.
Lögregla hafði afskipti af manni sem er grunaður um sölu og dreifingu fíkniefna. Maðurinn var handtekinn og vistaður í þágu rannsóknar málsins.
Ofbeldisseggur í annarlegu ástandi ógnaði fólki við í verslun í austurborginni í gær. Hann braut hurð þar innandyra. Maðurinn var handtekinn á vettvangi og vistaður í fangageymslu.