- Auglýsing -
Lögreglan var kölluð til rétt fyrir klukkan tvö í nótt vegna umferðaróhapps á Vesturlandsvegi við Bauhaus.
Þar hafði bifreið verið ekið upp á hringtorg. Ökumaðurinn er grunaður um ölvun við akstur og var hann vistaður fyrir rannsókn máls í fangageymslu lögreglu.
Ekki urðu slys á fólki.
Í ljós kom að annan hjólbarða bifreiðarinnar að framan vantaði og hafði ökumaðurinn ekið á felgunni frá Ártúnsbrekku þar sem tilkynnt var um hjólbarða á akbraut.