Miðflokkurinn er við það að falla af þingi og Framsókn er tvöfalt stærri en dótturflokkurinn. Hvorki Flokkur fólksins né Sósíalistaflokkur Íslands ná inn á þing samkvæmt nýrri könnun Maskínu fyrir fréttastofu Stöðvar 2
Könnunin sýnir mikið fall Miðflokksins sem rétt skríður yfir 5 prósenta þröskuldinn. Þetta er mikið áfall fyrir Sigmund Davíð Gunnlaugsson formann sem er með þingflokk sem samstendur af kjörnum fulltrúum Miðflokksins og helming i þeirra fulltrúa sem kosnir voru fyrir Flokk fólksins. Haft var eftir Ingu Sæland, formanni Flokks fólksins, á Vísi að Miðflokkurinn mætti gjarnan hverfa. Þau orð lýsa þeim sárindum sem urðu eftir að Klausturmálið kom upp þar sem tveir þingmenn Flokks fólksins áttu þátt í svæsnum umræðum og grófum aðdróttunum.
Hvorki flokkur Fólksins né Sósíalistaflokkurinn ná inn manni, samkvæmt könnuninni. Mælast báðir með ríflega fjögurra prósenta fylgi. Aftur á móti braggast ríkisstjórnarflokkarnir. Sjálfstæðisflokkurinn bætir mestu við sig og mælist nú með 24 prósenta fylgi. Vinstri grænir mælast með 15 prósent. og Framsókn með ríflega 11 prósent.
Samfylking, Píratar og Framsókn eru öll með svipað fylgi eða um 12 prósent.