San Diego-búinn Michael Sakasegawa var að klára morgunskokkið síðasta miðvikudag þegar hann kom auga á nokkuð skondið: sítrónu að velta niður brekku. Sítrónan vakti áhuga Michaels og verandi ljósmyndari þá greip hann upp símann sinn og ákvað að taka myndband af sítrónunni.
Útkoman varð tæplega tveggja mínútna langt myndband af sítrónunni er hún veltur niður brekkuna. Það væri svo sem ekki í frásögur færandi nema fyrir þær sakir að um fjórar milljónir manna eru búnar að horfa á myndbandið eftir að Michael birti það á Twitter.
Það má segja að þessi sítróna sé orðið eins konar sameiningartákn netverja, en í viðtali við BuzzFeed segir Michael aldrei hafa búist við því að þetta myndband myndi slá svo rækilega í gegn.
Fjölmargir hafa tíst um sítrónuna og skrifar einn tístari að sítrónan hafi veitt honum von.
„Þessi sítróna er kappsamari en ég. Þessi sítróna var að fara eitthvað. Þessi sítróna ætlaði ekki að leyfa neinum að eyðileggja það. Þessi sítróna ætlaði ekki að stoppa fyrir neinu né neinum. Þessi sítróna er átrúnaðargoðið mitt og fyrirmyndin mín. Ég elska þessa sítrónu.“
this lemon had more motivation than I do. this lemon had places to GO. this lemon had places to be. this lemon wasn’t letting any fuck shit in it’s easy. this lemon wasn’t stopping for anyone or anything. this lemon is my idol and my role model. I love this lemon. https://t.co/aGWgtxDCkH
— gabe (@owens_flores) July 12, 2018
Aðrir slá á létta strengi og skilja ekki af hverju myndbandið varð svo vinsælt.
2008: Upptekin af því að finna jafnvægi á milli fjölskyldulífs og vinnu.
2018: Upptekin af því að horfa á myndband af sítrónu rúlla niður götuna,“ tístir einn tístari.
2008: Busy, trying to balance work and home life.
2018: Busy watching a video of a lemon rolling down the street.
— Kim Possible™ (@kimlockhartga) July 12, 2018
Því má bæta við að Michael tók sítrónuna heim með sér og hefur fengið fjölmargar uppástungur frá netverjum um hvað hann eigi að gera við hana.
Myndbandið má sjá hér fyrir neðan, og já, það er furðulega dáleiðandi:
Today as I was walking home after my run I saw a large lemon rolling down the hill. It kept rolling for about a quarter mile. And now you can see it, too. pic.twitter.com/dQoHi4RrXS
— Mike Sakasegawa (@sakeriver) July 11, 2018