- Auglýsing -
Bandaríski leikarinn, rapparinn og þáttastjórnandinn Nick Cannon greindi frá því í sjónvarpsþættinum The Nick Cannon Show í gær að yngsti sonur hans hafi látið lífið aðeins fimm mánaða gamall. Drengurinn greindist með krabbamein í heila um tveggja mánaða aldur. Hann sagði frá því að hann hafi, ásamt barnsmóður sinni náð að eyða síðasta degi sonar þeirra saman á ströndinni.
Nick á í heildina sjö börn en tvö þeirra á hann með heimsfrægu söngkonunni Mariah Carey en þau voru gift í átta ár. Hann eignaðist fimm börn á innan við tveimur árum og eru þar á meðal tvö sett af tvíburum.