Sér Davíð Þór Jónssyni, presti í Laugarneskirkju, tókst svo sannarlega að vekja athygli á málefnum flóttamanna með frægri tilvitnun sinni um að það væri til staður í helvíti fyrir fólk eins og það sem skipar ríkisstjórn Katrínar Jakobsdóttur. Mogginn tekur þann pól í hæðina að djöflast í Davíð Þór og rifja upp í samhenginu að hann og Katrín forsætisráðherra voru par á sínum tíma og gefa til kynna að ástæðuna fyrir orðum prestsins væri að finna í sambandsslitunum. Þarna fetar Mogginn í fótspor Björns Inga Hrafnssonar á Viljanum, sem sendi frá sér upphrópun á Facebook þar sem hann tengdi yfirlýsingu með sama hætti undir andvarpandi formerkinu, „sjálfur presturinn“. Mogginn leggur ekki aðeins fréttaplass undir heldur eru Staksteinar Davíðs Oddssonar ritstjóra notaðir til ranta yfir prestinn með orðum úr öfgahægrinu.
Séra Davíð Þór er fyrir löngu orðinn þekktur fyrir einlæga baráttu sína í þágu flóttafólks og þá sérstaklega hælisleitenda. Frægt var þegar hann veitti slíku fólki í nauð skjól í kirkju sinni undir umsátri lögreglunnar sem rudddist inn til að flytja flóttamann úr landi. Það er því ekkert sem bendir til þess að fornar ástir eigi þátt í afstöðu prestsins. Framsetning Moggans er því í besta falli klámhögg, sett fram af illum hvötum sem gjarnan geta komið fólki á sjóðheitan stað …