Harry og Meghan hertogahjónin af Sussex héldu stuttan fréttamannafund í dag ásamt prinsinum unga. „Hann er ofsalega ljúfur og rólegur,“ sagði Meghan við BBC.
Prinsinn var vafinn í hvítt teppi fyrir sýninguna en hann er aðeins tveggja daga gamall. „Ég veit ekki hvaðan rólyndið kemur,“ sagði Harry við fjölmiðla hlæjandi. Meghan virðist jafn hissa og hló dátt með Harry.
The first photos of Meghan and Harry’s #royalbaby are here!
„He’s already got a little bit of facial hair as well. Wonderful,“ Prince Harry joked: https://t.co/V719rVUlI4 pic.twitter.com/C2ixPWO3Vu
— CNN (@CNN) May 8, 2019
Elísabet drottning mun hitta barnabarnabarnið síðar í dag. Hjónin segjast bæði afar glöð með foreldrahlutverkið. Meghan sagði töfrum líkast að vera nú foreldri og sagðist heppin með tvo bestu drengi heimsins. „Ég er því mjög hamingjusöm,“ sagði hún við BBC. „Að vera foreldri er stórkostlegt,“ sagði Harry.
Aðspurð hvoru foreldrinu prinsinn líkist meir sagði Harry að þeim hafi verið sagt að börn breytist talsvert á fyrstu tveimur vikunum.
Ungi prinsinn er sjöundi í röðinni að hásætinu.