Á meðfylgjandi myndbandi má sjá hnífaárás á veitingastaðnum Sushi Social í miðborg Reykjavíkur í gærkvöldi. Það er 30 sekúndna langt og má sjá karlmann á fertugsaldri stundinn margsinnis í bak og axlir á þeim tíma.
Blaðamaður Mannlífs var nærri vettvangi og varð vitni að því þegar lögreglan á höfuðborgarsvæðinu ók um hverfið eftir árásina og spurði gangandi vegfarendur hvort þeir hefðu orðið varir við marga menn á hlaupum um svæðið. Lögreglan leitaði í hverfinu um hálftíma eftir árásinu og sjúkrabíll kom fljótlega á vettvang.
Eins og sjá má á myndbandinu voru öskur og læti á veitingastaðnum meðan árásin stóð yfir. Gestir sem þar sátu sátu ýmist furðu lostnir eða óttaslegnir í sætum sínum meðan fórnarlambið var ítrekað stungið.
Lögreglan hefur greint frá því að fórnarlambið er karlmaður á fertugsaldri og mun hann ekki vera með lífshættulega áverka eftir árásina. Árásarmaðurinn er nú í haldi lögreglu. Báðir voru þeir úti að borða saman og báðir létu sig hverfa af staðnum áður en lögregla kom á vettvang.