Faðmaði 24 ára dóttur sína í fyrsta sinn síðan hún var 3ja mánaða.
Guðmundur Felix Grétarsson, lífsþjálfi, ræðumaður og fyrsta manneskjan í heiminum sem fær á sig grædda tvo handleggi, birti fyrir stuttu afar hjartnæmar ljósmyndir á Facebook og Instagram síðum sínum. Þar sést hann faðma dóttur sína, 24 ára, í fyrsta skipti síðan hún var 3ja mánaða en fram að þessu hefur hann verið handalaus. Þá eru einnig ljósmyndir af afastelpum hans tveimur sem hann faðmar í fyrsta skipti. Að lokum eru svo fyrir og eftir ljósmyndir af Guðmundi Felix leiðandi eldri afastelpuna sína. Myndirnar eru teknar í Lion hvar hann dvelur um þessar mundir.
Guðmundur Felix, fékk tvo handleggi grædda á sig fyrr á árinu en hefur, eins og áður segir, dvalið í Lion, Frakklandi á meðan hann jafnar sig í eftirmeðferð. Lenti Guðmundur Felix í hræðilegu vinnuslysi fyrir um 23 árum síðan er hann var við störf sem rafvirki. Hefur hann unnið hug og hjörtu Íslendinga og í raun heimsins, með jákvæðni og baráttuvilja að vopni.
Hér má svo sjá þessar fallegu myndir:
