- Auglýsing -
Ungi maðurinn sem lést á Litla-Hrauni í síðustu viku hét Ingvi Hrafn Tómasson. Hann varð aðeins 31. árs, fæddur 29. júlí 1992.
Ingvi Hrafn hafði glímt við erfiðleika vegna fíknar en var á batavegi. Hann var um það bil að ljúka afplánun á fangaheimilinu Vernd þegar hann var aftur sendur í fangelsið á Litla-Hrauni vegna meintrar kæru. Harmleikurinn varð í framhaldinu.
Faðir unga mannsins, Tómas Ingvason, hefur krafist rannsóknar á fráfalli sonar síns. Hann upplýsti í Mannlífi að Ingvi Hrafn hefði í örvæntingu reynt að leita sér hjálpar daginn áður en hann lést en verið sagt að bíða fram yfir helgi. Andlátið er til rannsóknar hjá lögreglu.
Mannlíf vottar fjölskyldu hins látna dýpstu samúð.