Neytendastofa varar við leikfangaslíminu Crazy Geezer´s. Í síðustu viku varaði Neytendastofa einnig við leikfangaslíminu Noise Putty.
Neytendastofa segir frá því á Facebook að tilkynning hafi borist þeim varðandi Crazy Geezer´s-slímið. „Neytendastofa hefur fengið tilkynningu um að vara forelda sérstaklega við Crazy Geezer´s fjólblátt slími sem fengist hefur á Amazon. Slímið er segulmagnað og getur valdið alvarlegum meiðslum og jafnvel dauða ef börn gleypa vöruna. Foreldrar eru hvattir til að fjarlægja Crazy Geezer´s Putty World slímið strax,“ segir í færslu á Facebook.
Í síðustu viku var það svo Noise Putty-slímið sem varað var við. „Þegar leikfangið var prófað kom í ljós að það innihélt of mikið magn af bórati. Bórat getur borist inn í líkamann við handfjötlun í gegnum húð. Þekktar eiturverkanir eru samkvæmt vefsíðu Landlæknis vegna bórats eru m.a. húðerting með útbrotum (jafnvel mikill roði og blöðrur), skjálfti, flog, höfuðverkur, meltingartruflanir, þunglyndi og örlyndi. Í viðvörun frá Safety Gate kerfinu er þess getið að bórat getur haft hamlandi áhrif á þroska æxlunarfæra í börnum. Toi-Toys leikfangaslímið hefur m.a verið í sölu í verslunum Hagkaups og í verslunum Iceland.“