Nína er látin

Nína Gauta­dótt­ir mynd­list­ar­kona lést þann 13. des­em­ber, 78 ára að aldri.

Morgunblaðið sagði frá andláti hennar og rakti lífshlaup hennar. Nína fædd­ist í Reykja­vík 28. júní 1946. For­eldr­ar henn­ar eru Elín Guðjóns­dótt­ir og Gauti Hann­es­son.

Nína stundaði nám við Hjúkr­un­ar­skóla Íslands. Eft­ir út­skrift þaðan hélt hún til Par­ís­ar og lærði mynd­list í Beux-Arts. Hún vann fyr­ir sér meðfram nám­inu sem einka­hjúkr­un­ar­kona. Hún út­skrifaðist úr mál­ara­deild Beaux-Arts 1976 og fór síðan í fram­halds­nám í vefnaði og skúlp­túr. Í grein Morgunblaðsins segitr að hún hafi í list sinni gjarnan blandað tækni þess­ara greina sam­an. Verk henn­ar voru gjarn­an þrívíð, stór og kraft­mik­il. Hún flutt­ist til Afr­íku, bjó í Kam­erún, Saír og Níg­er þar sem hún kynnt­ist hirðingjaþjóðflokkn­um Tuareg og lærði að vinna lit­rík­ar mynd­ir í leður.

Eft­ir það sneri hún sér að mál­verk­inu, vann m.a. með egypsk­ar híeróglýf­ur og gerði eft­ir­minni­legt 80 metra langt mál­verk byggt á sög­unni Um­hverf­is jörðina á 80 dög­um. Hún málaði fjölda mynda sem eru inn­blásn­ar af ís­lenskri nátt­úru.

Nína hélt á ferli sín­um yfir 30 einka­sýn­ing­ar og tók þátt í mörg­um sam­sýn­ing­um.

Nína varði masters­gráðu í sál­grein­ingu við Uni­versité Par­is 8 árið 2003. Hún lauk prófi úr Leiðsögu­skóla Íslands 2008 og starfaði nokkuð við leiðsögu­mennsku eft­ir það. Hún bjó í Par­ís frá 1970 en kom alltaf til Íslands á sumr­in. Hin síðari ár dvald­ist hún sí­fellt meira á Íslandi.

Nína læt­ur eft­ir sig þrjú börn og fjög­ur barna­börn, sem öll búa í Frakklandi.