Nordic Entertainment Group mun fara af stað með Viaplay streymisþjónustu sína á Íslandi 1. apríl.
Áhorfendur Viaplay á Íslandi munu greiða 599 krónur á mánuði fyrir þáttaraða- og kvikmyndapakkann. Í tilkynningu um Viaplay segir að efnið skiptist í nokkra flokka, það er: sérframleitt Viaplay efni, kvikmyndir, þáttaraðir, barnaefni og íþróttir í beinni útsendingu.
Anders Jensen, forseti og forstjóri NENT: „Frá 1. apríl munum við bjóða íslenskum áhorfendum meira norrænt hágæðaefni en nokkur annar, auk verðlaunakvikmynda og þáttaraða sem og viðurkennds barnaefnis og beinna útsendinga af íþróttaefni í heimsklassa. Viaplay er nú þegar með 1,6 milljónir áskrifenda á Norðurlöndum og er hannað til að geta stækkað hratt. Við hlökkum til að færa áhorfendum á Íslandi okkar sérstöku sögur,“ er haft eftir Anders Jensen, forstjóra Nordic Entertainment Group, í tilkynningunni.