- Auglýsing -
„Það er óhætt að segja að þetta verði nýr íslenskur fugl fyrir hvern sem kemur auga á hann,“ kom fram í Facebook-færslu fuglaskoðara á Íslandi um uppgötvunina.
Fuglategund sem þessi er sjaldséð á Íslandi en náðist hann á mynd í gær við Oddastaði á Melrakkastéttu. um er að ræða relluhegra, eða Ardeola ralloides, sem verpir í suðurhluta Evrópu og á Mið-Austurlöndum.
Relluhegri hefur ekki náðst á mynd á Íslandi frá árinu 1969, en þá sást fuglinn á Surtsey, sem þá var nýlega risin úr hafi. Í þetta sinn var það Áki Ármann Jónsson, formaður Skotveiðifélags Íslands, sem náði myndinni af hegranum.