Fólki gefst nú kostur á því að skipta gömlu fötunum sínum fyrir ný. Væri ekki frábært að fá smá tilbreytingu með lítilli fyrirhöfn.
Við könnumst öll við að eiga fullan fataskáp af fötum sem við náum ekki að nýta. Elvira er verslun að danskri fyrirmynd sem hefur opnað í hjarta Reykjavíkur. Frábær valkostur fyrir þá sem vilja endurnýta fötin sín og jafnframt leggja sitt af mörkum og draga úr offramleiðslu í fataiðnaðinum. Fyrir fast mánaðargjald 4900 krónur er hægt að skipta út gömlu fötunum og fá önnur notuð í staðinn. Það eina sem þarf að passa upp á er að fötin séu heil og hrein þegar þeim er skilað inn í verslun.
Mikil vakning hefur verið í umhverfisvernd síðustu ár og vinsældir verslana sem selja notuð föt hefur aukist. Þetta er því góð viðbót í þann hóp.