- Auglýsing -
Karlmaður á fimmtugsaldri var í dag í Héraðsdómi Reykjavíkur úrskurðaður í áframhaldandi vikulangt gæsluvarðhald, eða til þriðjudagsins 2. mars, á grundvelli rannsóknarhagsmuna að kröfu Lögreglunnar á höfuðborgarsvæðinu í þágu rannsóknar hennar á manndrápi í Rauðagerði.
Þá voru tveir úrskurðaðir í tveggja vikna farbann, eða til þriðjudagsins 9. mars, vegna málsins, en gæsluvarðhald yfir þeim rann út í dag.
Lögreglan hafði áður gert kröfu um áframhaldandi gæsluvarðhald yfir öðrum manni. Sá er frá Albaníu og búsettur hér á landi. Hann er grunaður um að hafa orðið Armando Beqirai að bana.