Í síðasta mánuði fór að gera vart við sig enn eitt nýja afbrigðið af Covid 19. Segja má að þetta afbrigði sé „undirtegund“ af hinu stórhættulega og og hraðsmitandi Delta-afbrigði veirunnar sem herjar nú á Íslendinga.
Covid 19 hefur nú herjað í á annað ár og hafa 30 Íslendingar látist vegna heimsfaraldursins. Þótt nýja afbrigðið muni væntanlega berast hingað erum við þó núna mun betur búin undir þá baráttu en áður vegna fjölda bólusetninga. Enginn skyldi þó taka þessu nýja afbrigði með léttúð.
Þetta nýja afbrigði kórónuveirunnar er nefnt B.1.621, og uppgötvaðist fyrst í Suður-Ameríku, nánar tiltekið í Kólumbíu. Þaðan barst það með hraði til Flórída og hefur nú dreift sér hratt víða um veröld; fannst nú síðast í Danmörku þar sem hingað til tíu manns hafa smitast,og því miður er nú eingöngu tímaspursmál hvenær B.1.621-afbrigðið sýnir tennurnar hér á landi.
B.1.621 er líka nefnt AY.3, en þessi „undirtegund“ af Delta-afbrigðinu og er mögulega talin enn skæðari en Delta – sem hingað til hefur verið talið mest smitandi afbrigði Covid 19.
Einnig hefur þetta hættulega afbrigði gert vart við sig í Bretlandi og það með allmiklum gauragangi, og eins og áður var nefnt, Flórída, og því mjög líklegt að nýja afbrigðið sé að dreifa sér hratt um Bandaríkin.