Nýtt fyrirkomulag um landamæraskimanir og sóttkví tekur gildi í dag

Farþegar frá sex löndum eru frá og með deginum í dag undanskildir frá kröfum um skimanir og sóttkví vegna COVID-19.

Mbl.is greinir frá því að von sé á átján flugvélum til landins í dag, rétt eins og síðustu daga og reiknað sé með allt að 2.500 farþegum. Ellefu vélanna koma frá löndum sem eru nú á lista yfir lönd sem eru undanskilin kröfu um skimanir við landamærin og sóttkví, en þau lönd sem eru undanskilin eru Dan­mörk, Nor­egur, Finn­landi, Þýskaland, Fær­eyj­ar og Græn­land.

Í frétt mbl.is segir að fyrsta slíka vél­in hafi reyndar komið í nótt frá Kaup­manna­höfn. Næsta vél kom frá Luton í morgun klukkan 8. Eftir það komi hver vélin á fætur annarri.

Þá er greint frá því að hvorki landlæknir né almannavarnir verðir með sér­stak­ar ráðstaf­an­ir í Leifs­stöð þótt nýja fyr­ir­komu­lagið taki gildi í dag. Starfs­fólk Isa­via, lög­regl­an á Suður­nesj­um og sýna­töku­fólk verða á staðnum.