Gústaf Níelsson er ekkert sáttur við að Hanna Björg Vilhjálmsdóttir sé að bjóða sig fram til formennsku í Kennarasambandi Íslands og lætur þessi orð falla á Facebook-síðu sinni:
„Að sönnu var tuttugasta öldin á Íslandi öld kennaranna, læknanna og verkfræðinganna. Tuttugasta og fyrsta öldin er ennþá öld læknanna og verkfræðinganna, en kennarastéttin er að fara í hundana,“ segir Gústaf og vísar til fréttar Mannlífs um framboð Hönnu Bjargar.
Sjálfur stjörnufjölmiðlakennarinn, Páll Vilhjálmsson, sem er bróðir Hönnu Bjargar, leggur orð í belg:
„Ég gaf Hönnu sys það orð að styðja hana til formennsku í KÍ með því að þegja sem fastast um þann slag.“
Fleiri tjá sig – þar á meðal Ingunn Guðmundsdóttir – sem er ósátt við stöðuna í íslensku samfélagi í dag, þótt ekki sé ljóst hvernig framboð Hönnu Bjargar tengist þeirri stöðu:
„Er þetta ekki augljóst, minn kæri Gústaf Níelsson? Hér hefur orðið siðrof – kristinni trú og þjóðlegum íslenskum gildum hefur verið rutt úr vegi. Þessir öfgafemínistar, múslimar, hinsegin fólk og líka þessir arabar og svertingjar hafa náð undirtökunum í íslensku þjóðfélagi.“