Feminíski baráttuhópurinn Öfgar settu í gær fram nýja staðhæfingu um nauðgun í samböndum. Birtu þær staðhæfinguna á Twitter.
Í færslunni er teiknuð mynd af skeggjuðum manni sem ber heitið Sigmar. Textinn sem fylgir myndinni er eftirfarandi: „Þetta er Sigmar. Sigmar suðar um kynlíf hjá makanum sínum þar til hann gefur eftir. Sigmar er nauðgari. Hann nauðgar makanum sínum. Að suða um kynlíf þar til manneskjan gefur eftir er ekki samþykki. Ekki vera eins og Sigmar!“
Árið 2018 samþykkti Alþingi samróma, nýja skilgreiningu á það hvað nauðgun er. „Hver sem hefur samræði eða önnur kynferðismök við mann án samþykkis hans gerist sekur um nauðgun og skal sæta fangelsi ekki skemur en 1 ár og allt að 16 árum,“ segir í lögunum. „Samþykki telst liggja fyrir ef það er tjáð af frjálsum vilja. Samþykki telst ekki liggja fyrir ef það er fengið með ofbeldi, hótunum eða annars konar ólögmætri nauðung, eða með því að beita blekkingum eða hagnýta sér villu viðkomandi um aðstæður. Til ofbeldis telst svipting sjálfræðis með innilokun, lyfjum eða öðrum sambærilegum hætti.“
Ekki er hægt að sjá að suð um kynlíf flokkist undir nauðgunartilraun samkvæmt lagana bókstaf.