Lögreglan hafði í nógu að snúast í gær og í nótt. Í dagbók lögreglu þar sem farið er yfir verkefni næturinnar kemur fram að starfsfólk í verslun í miðbænum hafi óskað eftir aðstoð lögreglu laust fyrir miðnætti vegna manns sem grunaður var um hnupl. Maðurinn var í haldi í versluninni þegar lögregla kom og er hann sagður hafa ógnað starfsfólki með eggvopni. Maðurinn var handtekinn og vistaður fyrir rannsókn máls í fangageymslu lögreglu.
Þá var tilkynnt um líkamsárás í Kópavogi klukkan 23:22, þrír voru handteknir og vistaðir í fangageymslu. Árásarþoli var fluttur með sjúkrabíl á bráðamóttöku, ekki er vitað um ástands hans.
Þá voru fjórir stöðvaðir vegna gruns um akstur undir áhrifum ýmist fíkniefna eða áfengis.
Fimm ökumenn voru stöðvaðir fyrir of hraðan akstur, tveir af þeim eru 17 ára og verða sú mál kynnt foreldrum og Barnavernd.