Sjónvarpsþættirnir Vegferð, sem þeir Ólafur Darri Ólafsson og Víkingur Kristjánsson skrifa handritið að og leika aðalhlutverkin í og Baldvin Z leikstýrir, leita nú að aukaleikurum á öllum aldri á Vestfjörðum.
Tökur munu fara fram í Bolungarvík, á Ísafirði, á Suðureyri og í Önundarfirði dagana 2., 3., 4. og 8. júlí og í auglýsingu kemur fram að það vanti stóran hóp aukaleikara fyrir þáttaröðina. Sérstaklega er tekið fram í auglýsingu að þann 3. júlí vanti um það bil fimmtán manna hóp af eldra fólki, en hina dagana þurfi aukaleikararnir að vera á öllum aldri. Að sjálfsögðu fá aukaleikararnir greitt fyrir þátttökuna og eru þeir sem áhuga hafa beðnir að senda skilaboð á messenger á Facebooksíðunni https://www.facebook.com/stonemask.
Ólafur Darri ræddi þættina lítillega í Mannlífi um helgina.