Ólafur er látinn

Ólaf­ur Ólafs­son, fyrrverandi kaup­fé­lags­s­stjóri, lést á aðfangadag á dval­ar­heim­il­inu Kirkju­hvoli á Hvols­velli; var hann 100 ára að aldri en mbl.is greindi frá andláti hans.

Ólaf­ur hóf störf hjá Kaup­fé­lagi Hall­geirs­eyj­ar á Hvols­velli árið 1946 og starfaði þar til ársins 1959.

Ólaf­ur var kaup­fé­lags­s­stjóri á Ólafs­firði á árunum 1959 til 1965 og síðan var hann kaup­fé­lags­stjóri Kaup­fé­lags Ran­gæ­inga frá árinu 1965 og allt fram til ársins. 1989.

Ólafur sat í bæj­ar­stjórn og bæj­ar­ráði Ólafs­fjarðar árin 1962-64; var nokkuð lengi formaður Fram­sókn­ar­fé­lags Ran­gæ­inga; sat í miðstjórn Fram­sókn­ar­flokks­ins. Ólafur var varaþingmaður eitt kjör­tíma­bil og sat um tíma í stjórn Vinnu­mála­sam­bands sam­vinnu­fé­lag­anna; einnig í stjórn Meitils­ins hf. í Þor­láks­höfn.

Var Ólaf­ur einn af stofn­end­um brids- og skák­fé­lags Ran­gæ­inga og kom að stofn­un Fé­lags eldri borg­ara í Rangár­valla­sýslu 1993, og var formaður fé­lags­ins um langt ára­bil.

Árið 2013, á 80 ára af­mæl­is­hátíð Hvolsvall­ar, fékk Ólaf­ur af­hent­an At­geir Gunn­ars, sem er æðsta viður­kenn­ing Rangárþings eystra.

Eig­in­kona Ólafs – Rannveig – lést árið 2009, en börn þeirra eru Ólaf­ur, Bald­vin, Ásta Halla og Ingi­björg Ýr. Barna­börn­in eru tíu og barna­barna­börn­in sextán.

Blessuð sé minning Ólafs Ólafssonar.