Ólöf Helga Adolfsdóttir staðfesti að samtali við Mannlíf að engin samskipti séu á milli hennar og Sólveigar Önnu Jónsdóttur en þær eru báðar í framboði til formennsku Eflingar. „Það eru engin brjáluð illindi á milli okkar, við vorum ekki miklir vinir utan verkalýðsbaráttunnar. Það er ekkert sem kom upp á, við bara erum ekki í sambandi.“
Ólöf segist bjartsýn á að ná formennsku: „Við erum með sterkan lista, góð áherslumál og erum öll baráttufólk, öll vön því að vera trúnaðarmenn og erum flest því miður orðið fyrir því að það sé brotið á réttindum okkar á vinnumarkaðinum“
Ólöf ræddi helstu baráttumál hennar fólks en þau leggja sérstaka áherslu á húsnæðismarkaðinn og lækka skattbirgði, sérstaklega hjá þeim launalægstu. Auk þess nefnir hún launaþjófnað: „Það er óþolandi að þetta sé eini þjófnaðurinn sem mönnum er ekki refsað fyrir.“
„Það eru mörg stór mál og maður gæti talað um þau í marga klukkutíma.“