- Auglýsing -
Ökurmaður sem lögreglan grunar um ölvun við akstur endaði í fangaklefa eftir bílveltu. Um hálftíu í gærkvöldi var lögreglunni á höfuðborgarsvæðinu tillkynnt um veltuna á Þingvallavegi við Mosfellsbæ.
Þetta kemur fram í dagbók lögreglunnar og segir þar að ökumaðurinn hafi misst stjórn á bílnum og hafnað á hvolfi ofan í skurði. Viðkomandi var fluttur til aðhlynningar á bráðadeild og endaði svo ferðina í fangaklefa lögreglu.
Lögreglan var síðan með eftirlit í nótt á ástandi bifreiða í Breiðholti og Kópavogi. Skráningarmerki voru fjarlægð af fjórtán bifreiðum sem höfðu ekki verið færðar til skoðunar á réttum tíma og/eða voru ótryggðar.