- Auglýsing -
„Allir gera ráð fyrir að það verði pís-of-keik að splæsa núverandi ríkisstjórn til framhaldslífs. Ég er ekki alveg viss um það,“ segir fyrrum ráðherrann og ritstjórinn Össur Skarphéðinsson og bætir við:
„Tiltölulega auðvelt endatafl gæti falist í að kippa Flokki fólksins inn í þriggja flokka stjórn. Sigurvegari kosninganna fengi náttúrlega forystusætið í ríkisstjórn og Sigurður Ingi yrði aftur forsætisráðherra,“ segir Össur sem ber Sigurði Inga vel söguna:
„Hann reyndist prýðilega síðast og ólíkt forvera sínum kunni mannasiði gagnvart þinginu.“
Með því að Flokkur fólksins kæmi inn í nýja ríkisstjórn sér Össur fyrir sér að „Stuðmaðurinn vinsæli, Jakob Frímann Magnússon, verði orðinn ráðherra menningarmála innan skamms.
Ég minnist glæsilegrar jómfrúræðu hans á Alþingi um Íraksmálið. – Þetta er ekki vitlausara en hvað annað og yrði örugglega skemmtilegt,“ segir Össur að lokum.
Já, hver veit nema að fyrsti Stuðmaðurinn verði ráðherra – Össur hefur allavega ekkert á móti því.