Sóðaskrif Viðskiptablaðsins um Kristrúnu Frostadóttir, formann Samfylkingar, vöktu mikla athygli og undrun því blaðið er þekkt fyrir að vera vandað í framsetningu undir ritstjórn Trausta Hafliðasonar, sem er annálað prúðmenni. Fyrirsögnin „Ótímabært sáðlát“ átti að vera lýsandi fyrir það að Kristrún myndi ekki ná þeim árangri sem kannanir boðuðu. Eftir að lesendur gerðu harkalegar athugasemdir breyttist framsetning Vibbans í ótímabæran fögnuð.
Þessi skrif voru sett fram úr launsátri nafnlausra penna blaðsins. Ekki er vitað hver eða hverjir halda þar á penna en Andrés Magnússon, fulltrúi ritstjóra Moggans, var lengi vel orðaður við skrifin. Þórður Snær Júlíusson, ritstjóri Heimildarinnar, fordæmdi skrifin og réðst með kjafti og klóm á launsátursmennina og sagði þá litla karla sem hefðu gert upp á bak.
Aðförin að Kristrúnu er til marks um þann vaxandi ugg Sjálfstæðismanna að Samfylkingin sé að ná vopnum sínum. Skrímsadeild flokksins hefur því fundið sér verðugan óvin og leggur allan sinn óhróður í verkefnið …