Skjáskot er nú á dreifingu á samfélagsmiðlunum sem sýnir samtal í formi athugasemda á Facebook þar sem nokkrir aðilar tengdir Samherja ræða saman. Má segja að samtalið sé mjög óhugnanlegt. Meðal þeirra sem hafa birt skjáskotið er Helgi Seljan, blaðamaður Íslands.
Samtalið fer fljótt að snúast um „hælbíta“ en virðast þeir þá vera að tala um þá sem gagnrýnt hafa Samherja undanfarin ár, þó ekki sé hægt að slá því á föstu. Skilgreining Árnastofnunar á orðinu hælbítur er eftirfarandi: Sá eða sú sem talar illa um aðra, fer með óhróður um aðra.
Starfsmaður Samherja á fyrirtækjasviði, Sigrún Alda Viðarsdóttir skrifar setningu sem beint er til til Páls Steingrímssonar, skipstjóra og meðlim í svokallaðri „Skæruliðasveit“ Samherja:
„Já Palli við getum verið stolt af því að vinna hjá Máa,“ segir Sigrún á þá við Þorstein Má.
„nákvæmlega við erum það og látum enga hælbíta breyta því,“ svara Páll Steingrímsson
Þá kemur að meindýraeyðirinn Ólafur Pálmi Agnarsson sem rekur fyrirtækið Meindýravarnir Norðurlands. „nei það gerum við aldrey en hælbítur flokkast það ekki undir meindýr“.
Páll svara því einfaldlega með „jú“.
Ólafur spyr þá hvernig byssu sé best að nota á hælbíta. „ok hvaða cal er best að nota“
„300 winmag,“ svarar Páll meindýraeyðinum.
„var að spá í 17 hrm með bauk,“ segir Ólafur þá.
Páll svarar og birtir mynd af veiðriffli:
nei nei þetta er verkfærið sem ég nota.
Björn Birgisson þjóðfélagsrýnir, sendi skjáskotið á Ólaf Pálma og spurði hann hvort hann kannaðist við þetta samtal. Játaði meindýraeyðirinn því og spurði Björn hann að bragði hvort hann væri stoltur af þessu. Svar við þeirri spurningu hafði ekki birst þegar fréttin fór í loftið.
