Samkvæmt svörum frá flugfélaginu PLAY um framtíðarplön fyrirtækisins er í kortunum spennandi stækkun.
Þá segist félagið áætla að hefja flug til Bandaríkjanna vorið 2022. Ekki er víst hvaða áfangastaðir verða fyrir valinu en styttist í að greint verði frá þeim.
Flugfélagið segist einnig ætla stækka flugvélaflotann rauða og bæta við sig þremur vélum í heildina á næsta ári.
PLAY hefur bætt við þó nokkrum áfangastöðum frá jómfrúarfluginu sem var farið þann 24. júní á þessu ári.
Nú eru áfangastaðir á vefsíðu félagsins orðnir nítján talsins en sagði Birgir Jónsson, forstjóri PLAY í sumar að markmiðið væri að hafa fimmtán véla flota árið 2025.
Svo virðist sem PLAY fái almennt mjög góð viðbrögð almennings hvað varðar þjónustu og verðlag og því spennandi að sjá hvaða áfangastaðir bætast við á nýju ári.