Ragga Nagli er klínískur heilsusálfræðingur og einkaþjálfari. Á Facebook heldur hún úti vinsælli síðu þar sem hún birtir reglulega pistla um hreyfingu, mataræði og fleira.
Pistilinn í dag er tileinkaður afmæli Röggu, enda fagnar hún stórafmæli í dag, en hún er fertug.
AfmælisNagli í dag fyrsta október.
Nýr dagur. Nýr mánuður. Nýr áratugur í lífi Naglans.
Kveðjum þrjátíuogeitthvað og heilsum fjörutíuogeitthvað.
Líkaminn er í miklu betra formi fertug en þrítug.
Getur hlaupið hraðar, lyft þyngra, hoppað hærra, róið lengra, gert fleiri upphífingar og armbeygjur.
Hugurinn er líka í betra formi en fyrir tíu árum.
Rólegri, skynsamari, reynsluríkari og meiri núvitund.
Þegar við stundum heilsusamlegt líferni með hreyfingu, hollu mataræði, öflugu félagslífi, góðum svefni og jákvæðu hugarfari þá verður fjörutíu hið nýja þrjátíu.
Deginum er fagnað í höfuðstað Ungverjalands Búdapest.
Dagurinn hófst á að rífa upp hundrað í réttstöðu og lýkur með stórri ribeye steik í rómantískum kvöldverði.
Og súkkulaðiköku auðvitað…af því heilsa snýst um jafnvægi.
