Lögreglan á höfuðborgarsvæðinu þurfti að hafa afskipti af manni sem mótmælti bólusetningum barna við Laugardalshöll í morgun, en bólusetningar barna á aldrinum tólf til fimmtán ára hófust í gær; í dag eru yngstu börnin í þessum aldurshópi bólusett – fædd árin 2008 og 2009.
Haft er eftir vitni að atburðinum að maðurinn hafi gargað ókvæðisorðum að fólki í röðinni, eitthvað á þá leið hvort fólk áttaði sig ekki á því að það væri að sprauta einhverju eitri í börnin þeirra og sagði að foreldra ekki vera nægilega upplýsta til að taka ákvörðun.
Ragnheiður Ósk Erlendsdóttir, framkvæmdastjóri hjúkrunar hjá Heilsugæslu höfuðborgarsvæðisins, lét hafa eftir sér í gær að hún „vonaðist að ekki kæmi til þess að mótmælendur gerðu vart við sig við höllina. En annað kom á daginn: „Það er von mín að þeir sem vilja mótmæla geri það einhvers annars staðar en fyrir framan börnin; ef til þess kemur þá ætti mótmælendur að tjá sig þar sem yfirvöld eru til húsa.“
Maðurinn sem mótmælti í morgun var einn og var hann leiddur upp í lögreglubíl.