Umferðarslys varð í miðborginni þar sem rúta kom við sögu. Ein bifreið varð óökufær og var fjarlægð af vettvangi með dráttarbifreið. Annar ökumaðurinn kærður fyrir að aka hópferðabifreið án réttinda.
Barn var staðið að þjófnaði í verslun í austurborginni. Málið var leyst með aðkomu forráðamanns eins og venjan er þegar gerandi er undir 18 ára. Annar þjófnaður átti sér stað úr verslun á sömu slóðum. Leyst á vettvangi.
Og það voru fleiri þjófar á ferðinni. Einn var gripinn á veitingastað og færður á lögreglustöð til skýrslutöku. Hann var látinn laus að því loknu. Þá átti sér stað þjófnaður úr verslun í Kópavogi. Þjófurinn reyndi unankomu en var yfirbugaður á vettvangi og handtekinn er lögreglumenn bar að garði. hann var vistaður í fangaklefa þar til hægt verður að yfirheyra hann vegna málsins.
Nokkuð var um ölvaða ökumenn í lok páskahelgarinnar. Þeir voru afgreiddir með hefbundnum hætti. Ökumaður var handtekinn í Hafnarfirði, grunaður um akstur undir áhrifum fíkniefna. Reyndist hann einnig vera án réttinda. Laus að blóðsýnatöku lokinni.