Beiðnum um fjárhagsaðstoð og húsnæðisstuðning fjölgaði mikið frá júní 2020 til júní 2021 í Reykjanesbæ.
Umsækjendum með samþykkta fjárhagsaðstoð hefur fjölgað í Reykjanesbæ um 11,2 prósent milli júní 2020 og 2021.
Í júní á þessu ári fengu 149 einstaklingar fjárhagsaðstoð frá Reykjanesbæ og alls voru greiddar 22.084.326 krónur, en á tíma fyrir ári fengu 134 einstaklingar greidda fjárhagsaðstoð, námu þá alls 18.607.766 krónum.
Atvinnuleysi á svæðinu hefur lengi verið með því mesta á Íslandi og gerði Covid 19 faraldurinn stöðuna enn verri en ella: erfið fjárhagsstaða Reykjanessbæjar og erfið staða fólks sem glímir við atvinnuleysi, slæma fjárhagsstöðu og slæma húsnæðisstöðu er því miður enn verri í dag en fyrir rúmu ári síðan, en rekja má áðurnefnda aukningu fyrst og síðast til heimsfaraldursins sem enn er í fullum gangi.
277 einstaklingar fengu núna í júní greiddan sérstakan húsnæðisstuðning sveitarfélagsins, sem í krónum talið var samtals að upphæð kr. 3.785.155.
Árinu á undan í sama mánuði fengu 227 einstaklingar sérstakan húsnæðisstuðning greiddan, samtals krónur 3.044.856.
Umsækjendum með samþykktan sérstakan húsnæðisstuðning fjölgaði því um 22 prósent á einu ári.