Ölvaður ökumaður var staðinn að verki í nótt þar sem hann ók á nánast tvöföldum hámarkahraða í Reykjavík. Lögregla stöðvaði manninn sem reyndist undir afgerandi áhrifum áfengis. Sá drukkni var handtekinn og fluttur á lögreglustöð þar sem hann trylltist og kýldi lövgreglumann. Ökumaðurinn ofbelldisfulli var læstur inni í fangaklefa og svarar til saka með morgninum.
Önnur fyllibytta var á ferð í miðborginni þar sem hún áreytti fólk á förnum vegi,. Lögreglan var tvívegis kölluð til vegna þessa. Í seinna skiptið lofaði gerandinn hátíðlega að fylgja fyrirmælum lögreglu og láta af hegðan sinni. Hann slapp með það.
Lögreglu var tilkynnt um hávaða frá íbúð. Þar reyndist vera um að ræða einstakling sem var að spila tölvuleik. Hávaðaseggurinn lofaði að lækka í græjum sínum.
Ýmis önnur mál komu til kasta lögreglunnar í nótt. Menn voru á þvælingi í annarlegu ástandi. Tveir voru handteknir, grunaðir um minniháttar líkamsárás. Meint fórnarlamb var flutt á bráðamótttöku Landspítalans.
Þá hafði lögreglan afskipti af rúðubrjótum og manni sem var að skjóta upp flugeldum.