Rúrik Gíslason lýsir fárinu sem skapaðist í kringum hann á heimsmeistaramótinu í fótbolta.
„Þetta var mjög athyglisverður tími í mínu lífi. Mikið af alls konar skilaboðum og bónorðum og hvort ég væri ekki til í að gefa sæðið mitt,“ segir Rúrik í hlaðvarpsþætti fjölmiðlamannsins Sölva Tryggvasonar, þar sem hann lýsir meðal annars fárinu sem skapaðist í kringum hann á HM.
Segist Rúrik eiga erfitt með að ræða Instagram frægðina, af því að honum finnist hann hljóma eins og hann sé uppfullur af sjálfum sér. „Mér finnst rosalega erfitt að tala um þetta án þess að hljóma eins og einhver „deucebag“. Mér finnst ógeðslega erfitt að tala um þetta … Ég sé sjálfan mig alltaf eins og ég sé einhver svaka kall þegar ég er að tala um þetta.“
Hann segir þetta hafa verið mjög furðulegt tímabil í lífi hans. „Við fórum til Miami eftir HM og ég þurfti alls staðar að vera í myndatökum og það var sérstakt að vera kominn út fyrir Ísland og vera kominn í einhverja stjörnugeðveiki,“ rifjar hann meðal annars upp.
Rúrik er nú á tímamótum lífinu, kominn heim frá Þýskalandi, samningslaus og ekki búinn að ákveða hvað tekur við. Í viðtalinu við Sölva ræðir Rúrik meðal annars um móðurmissinn, tímabilið sem nú fer í hönd, álit annarra og margt fleira